Sobre esta peza
Moucho convida á introspección. Representa a figura dun moucho en repouso, mirando directamente a quen o observa, coma se vixiasen xuntos un segredo compartido entre a noite e a alma. A súa mirada tranquila e penetrante transmite sabedoría, calma e misterio.
O fondo, con elementos de follaxe e sol, sitúa ao moucho nun entorno natural e simbólico — gardián da intuición e do coñecemento que non se aprende, senón que se leva dentro.
Técnica e materiais
A peza foi pirogravada a man sobre madeira de cerdeira brava, especie nobre convertíndoo nunha obra irrepetible. A pintura acrílica en tons de outono —laranxas queimados, azuis profundos, verdes musgo e amarelos dourados— reforza o carácter máxico da escena, evocando o crepúsculo e a transición entre estacións.
Dimensións aproximadas: 30 x 14 x 2 cm. As medidas poden variar lixeiramente polas formas naturais da madeira.
Por que esta peza é especial
Moucho é ideal para:
- Quen busca arte emocional con simbolismo, máis alá da decoración convencional
- Amantes da natureza e da mitoloxía popular galega, onde o moucho sempre tivo presenza e significado
- Un agasallo único e con alma, para persoas que valoran o que se sente antes do que se ve
En Artesanía Enxebre de Valdeorras hai pezas que decoran e pezas que quedan. Esta é das segundas.
Actualmente esgotada. Contacta connosco se queres que che avisemos cando estea dispoñible ou para encargar unha peza similar.
Reseñas
Aínda non hai valoracións.