Artesanía e festival de música: Silfest Valdeorras

O que estuvo mellor:

O bo ambiente que se crea: Vaia enerxía positiva se respiraba no Silfest! Dende o primeiro momento decatámonos de que a xente viña con ganas de pasalo ben, e iso notábase en cada sorriso e en cada conversa cos visitantes. Compartir a nosa paixón pola artesanía nun ambiente tan festivo foi simplemente incrible.

Un lugar idílico á beira do río Sil: ¡O entorno deixou sen palabras. Entre árbores, á beira do río Sil, o ambiente natural envolvía todo o festival. Estar en harmonía coa natureza mentres amosabamos as nosas creacións fixo desta experiencia algo realmente especial.

A música en directo: Non podemos explicar o emocionante que foi ter música en vivo durante todo o festival. Creou un ambiente alegre e festivo imprescindible para que a feira de artesanía cobrara vida. Ademais, tivemos a oportunidade de coñecer artistas moi talentosos, abrindo a porta a futuras colaboracións e proxectos.

Conexións con outros artistas e artesáns:

Unha das mellores partes foi coñecer a outros compañeiros do mundo da artesanía e tamén músicos cos que compartimos intereses. Crear lazos con eles foi moi enriquecedor, tanto a nivel persoal como profesional. Xa estamos desexando ver que nos depara o futuro nesta comunidade creativa.

O Non tan bo:

Horas mortas sen concertos: Entendemos que todo o mundo precisa descansar, pero esas horas sen música foron un pequeno reto para nós. Aproveitámolas para recargar enerxía, pero gustaríanos que a xente permanecese máis tempo no recinto para coñecer o noso traballo

Prezo das entradas e custo do posto: Sabemos que os festivais teñen gastos, pero o prezo das entradas pode dificultar o acceso a algunhas persoas, o que afecta tamén ás vendas. Ademais, o custo do posto é outro factor a ter en conta para nós como artesáns.

Comida e bebida no recinto pechado:

Non poder levar comida e bebida propia foi un pequeno inconveniente. Aínda que entendemos as normas, supón un gasto extra que nos fai pensar en como optimizar recursos en futuros eventos.

Conclusión

En definitiva, esta foi a nosa experiencia no Silfest de Valdeorras, e non o puidemos pasar mellor! A pesar dalgúns desafíos, gozamos cada momento e sentímonos agradecidos de poder compartir a nosa paixón con todos vós.

Pensamos que, para futuras edicións, sería interesante que os postos de artesanía estivesen situados antes da entrada ao recinto, facilitando así o acceso e evitando certas limitacións. Pero sen dúbida, foi un festival incrible e pasámolo xenial.

Vémonos no próximo evento!