Coñece a Artesanía Enxebre: A nosa historia e propósito

Apenas levabamos un par de meses cando a avoa de Sarah nos comentou que tiña un baixo moi preto da casa e que por que non iamos velo, por se atopabamos algo co que gañar uns cartiños.

A sorpresa foi enorme cando chegamos a aquel antigo taller de coches que levaba máis de dúas décadas sen abrirse. Alí atopamos o vello Citroën Palas azul da familia e unha pequena oficina chea de caixas sen abrir. De inmediato comezaron a xurdir recordos da infancia e unhas ganas enormes de investigar, coma dous nenos xogando a ser detectives.

Comezamos a abrir caixas… e máis caixas… cheas de maquinaria!

Nese momento pasamos de “xogar aos detectives” a sentirnos como unha desas parellas dos programas de televisión tipo Parella á poxa, descubrindo un almacén cheo de posibilidades.

Non sabemos moi ben de onde saíran todas aquelas ferramentas. Quizais eran do avó ou do pai de Sarah, que eran moi apañados e gustáballes trastear. Pero atopar maquinaria nova, procedente de Australia e aínda nos seus embalaxes orixinais dos anos 90, parecía toda unha sinal.

Unha sinal de que non iamos sacar moito vendéndoa… así que decidimos facer algo mellor: cambiar os enchufes e poñernos mans á obra.