O Cartel Choiva recolle unha palabra sinxela chea de significado para calquera galego: a choiva. Aquí non é só un fenómeno meteorolóxico: é case unha forma de vida, compañeira da paisaxe e do carácter galego.
Pirogravado e pintado a man
Na peza, a palabra “Choiva” aparece pirogravada a man, co trazo redondeado. Acompáñana varias pingas pintadas á man en distintos tons de azul, coma se acabasen de escorregar pola madeira. Debaixo hai unha breve explicación en inglés para que calquera visitante entenda o motivo. En Galicia, a choiva vai moito máis alá do tempo atmosférico.
Técnica e materiais
Peza pirogravada e pintada completamente a man sobre madeira maciza de castiñeiro. A madeira foi escollida pola súa cor cálida e o seu veteado natural. O marco está pintado en azul escuro, o que resalta o texto e as pingas centrais. Leva ademais unha corda de cánamo xa preparada para colgala. Cada cartel presenta pequenas variacións no veteado que fan que a peza sexa única.
Características principais
Material: Madeira maciza de castiñeiro
Técnica: Pirogravado e pintado completamente a man
Acabado: Marco pintado en azul escuro
Tamaño: 21×12 cm
Colgador: Corda de cánamo incluída
Por que esta peza é especial
O Cartel Choiva é ideal para:
- Ensinar cultura galega: unha palabra do día a día que resume o carácter e o humor da terra.
- Agasallo con identidade: orixinal para visitantes ou turistas que buscan un anaco real de Galicia.
- Decoración con carácter: perfecto para a casa, un negocio de turismo rural ou un aloxamento.
Rexistro oficial
Artesanía Enxebre forma parte do rexistro oficial de artesáns da Fundación Pública Artesanía de Galicia. Isto confirma o noso compromiso coa artesanía tradicional e de calidade.
Tes algunha dúbida sobre esta peza? Contacta connosco e resolvémocha encantados.
Reseñas
Aínda non hai valoracións.