Cartel Enxebre – Pirogravado artesanal en madeira de castiñeiro

O Cartel Enxebre recolle a palabra que dá nome a todo o proxecto: enxebre, un adxectivo galego tan xenuíno, tan noso, que ningunha outra lingua se molestou en inventar unha palabra para el. Fala do auténtico, do puro, do que está profundamente arraigado na terra e na tradición.

Pirogravado e pintado a man

Na peza, a palabra “Enxebre” aparece pirogravada a man con trazo redondeado. Acompáñaa unha árbore pintada á man con follas de moitas cores, símbolo das raíces profundas e da diversidade que caracteriza o auténtico. Debaixo, unha breve explicación en inglés permite que calquera visitante entenda o significado exacto da palabra.

Técnica e materiais

Peza pirogravada e pintada completamente a man sobre madeira maciza de castiñeiro. A madeira foi escollida pola súa cor cálida e o seu veteado natural, que fai resaltar aínda máis as cores vivas da árbore. Leva ademais unha corda de cánamo xa preparada para colgala. Cada cartel presenta pequenas variacións no veteado que fan que a peza sexa única.

Características principais

Material: Madeira maciza de castiñeiro
Técnica: Pirogravado e pintado completamente a man
Acabado: Marco natural, ilustración pintada en varias cores
Tamaño: 25×10 cm
Colgador: Corda de cánamo incluída

Por que esta peza é especial

O Cartel Enxebre é ideal para:

Ensinar cultura galega: a palabra que dá nome ao noso propio obradoiro e resume o que somos
Agasallo con identidade: orixinal para quen ama Galicia e o que hai de auténtico nela
Decoración con carácter: perfecto para a casa, un negocio de turismo rural ou un aloxamento

Rexistro oficial

Artesanía Enxebre forma parte do rexistro oficial de artesáns da Fundación Pública Artesanía de Galicia. Isto confirma o noso compromiso coa artesanía tradicional e de calidade.

Tes algunha dúbida sobre esta peza? Contacta connosco e resolvémocha encantados.